4x

БАЯНЗҮРХ ДҮҮРЭГ НЭГДСЭН ЭМНЭЛЭГТЭЙ БОЛОХ АЖИЛДАА ОРЛОО

Админ
2021/04/05

Баянзүрх дүүргийн Засаг дарга Н.Баярмөнх, дүүргийн газрын алба, дүүргийн эрүүл мэндийн төвийн холбогдох удирдлагууд Баянзүрх дүүрэгт нэгдсэн эмнэлэг барих төсөв суусантай холбогдуулан газрын асуудлаар дүүргийн 8,12-р хороонд байрлах ашиглагдахаа больсон газруудад очлоо. Тухайлбал Баянзүрх дүүргийн 8 дугаар хороо иргэдийн сайн мэдэх “Дүнжингарав”-ын замд байрлах “Монгол тэмүүлэл” цогцолбор сургуулийн дэргэд огт ашиглагдаагүй 4га газар, 12 дугаар хороонд байрлах хуучнаар “Ботаник” одоогийн “Монгол-Японы” хамтарсан эмнэлгийн хажууд байрлах 5га газрын аль нэгт дүүргийн Нэгдсэн эмнэлгийг барихын тулд холбогдох дээд шатны байгууллагуудад уламжлахаар боллоо. 

Энэ үеэр Баянзүрх дүүргийн Засаг дарга Н.Баярмөнх хэлэхдээ

Баянзүрх дүүргээс Улсын Их Хуралд сонгогдсон Э.Бат-Амгалан гишүүн улсын төсөвт дүүргийн нэгдсэн эмнэлгийн төсвийг суулгуулсан. Одоо бид барих газраа олох л үлдсэн. Баянзүрх дүүргийн хувьд нэгдсэн эмнэлэггүй. Байсан эмнэлгийг нь хувьчилсан. Тиймдээ ч энэ цар тахлын хүнд үед бид дүүргийн өрхийн эрүүл мэндийн төвүүдэд түшиглэн ажиллаж байна. Иргэдийн хувьд ч надруу Баянзүрх дүүргийг нэгдсэн эмнэлэгтэй болгох талаар маш олон хүсэлтүүдийг илгээсэн. Үүний дагуу Баянзүрх дүүргийг Нэгдсэн эмнэлэгтэй болгох асуудлыг хөндөж байна гэлээ.

Харин Баянзүрх дүүргийн Эрүүл мэндийн төвийн дарга Д.Тамир хэлэхдээ

8,12-р хороонд байрлах газруудтай очиж танилцлаа. Ер нь бол гадны улс орнууд эмнэлгээ сургууль, боловсон хүчний нөөцтэй газраа түшиглэн барьж байгуулдаг. Тэр ч утгаараа “Монгол-Япон”-ы хамтарсан эмнэлгийн хажууд байрлах 5га газарт дүүргийн Нэгдсэн эмнэлгийг баривал бидэнд илүү таатай байх болно. Газар зүйн хувьд ч, ойр хавьд байгаа барилга байгууламжуудын хувьд ч тэр Баянзүрх дүүргийн төв хэсэгт, гадны томоохон эмнэлгийг түшиглээд барих юм бол эмч эмнэлгийн ажилтнууд, шатлал хоорондын уялдаа холбоо гэх мэт маш чухал нөлөөтэй гэв


Харин Баянзүрх дүүргийн Газар зохион байгуулалтын албаны дарга Д.Бат-Өлзий хэлэхдээ

8,12-р хороонд байрлах 2 газрын хувьд нэг нь хувийн өмчийнх, нөгөөх нь Шинжлэх ухааны академийнх буюу Засгийн газрынх. Бидний хувьд хувийн хэвшилтэй харилцаж тухайн 8-р хорооны газарт Эмнэлэг барина гэвэл нилээдгүй хугацаа шаардана. Харин 12-р хороо буюу “Ботаник”-д байрлалтай газарт эмнэлэг барихаар болсон тохиолдолд дээд шатны байгууллагуудруу хүсэлтээ өгнө. Үүгээр ч болоогүй нэгдсэн эмнэлэг барина гэсэн тохиолдолд дэд бүтэц, ус дулаан, гэх мэт зөндөө асуудлууд бий. Харин 8,12-р хорооны 2 газарт бол бүх зүйлс нь бэлэн учраас аль нэгд нь дүүргийн Нэгдсэн эмнэлэг барих боломжтой гэлээ.

Дашрамд дуулгахад Баянзүрх дүүргийн нэгдсэн эмнэлэг барих зураг төсөл, төсвийн асуудлыг тус дүүргээс сонгогдсон УИХ-ын гишүүн Э.Бат-Амгалан улсын төсөвт суулгуулж чадсан бөгөөд газрын асуудал үлдээд байгаа юм. Баянзүрх дүүргийн хувьд Улсын нэгдсэн эмнэлэггүй бөгөөд өнөөдрийн үйл ажиллагаа явуулдаг Баянзүрх дүүргийн Нэгдсэн эмнэлгийг анх 2012 онд хувьчилж байжээ гэж Баянзүрх дүүргийн ЗДТГ-ын хэвлэл мэдээлэлтэй харилцах хэлтсээс мэдээллээ.





Сэтгэгдэл (13)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 202.126.89.142
    2021/04/13

    Хуучин эмнэлгээ аваад ядахдаа хүүхдийн эмнэлэг болгоочээ..хэвтэх гэхээр өрөө бхгүй гнэ.төлбөртэй бна гээд 1 өрөөнд хэдэн ор шавалдуулаад мөнгө авнө

    Хариулах
  • 202.126.89.142
    2021/04/13

    Хуучин эмнэлгээ л авчихаачээ.хууль ус зүгээр авсан гээ биздээ.шалгуулах хэрэгтэы.

    Хариулах
  • 64.119.24.141
    2021/04/13

    13-r horoo amgalan turhuus uragshaa ger horoolold ailuudtai tohiroltsood gazar chuluult hiivel zugeer yum bishuu

    Хариулах
  • 202.9.40.26
    2021/04/13

    БЗД-ийн эмнэлэгийн хувьчлалыг шалгуулья, хотын төвд байршилтай улсын эмнэлэг яаж яваад хувьд оччихоо вэ? Ямар тэндер шалгууралтаар хэдэн төг үнэ хүрээд хувьчилж авсан бэ? Хууль бусаар авсан бол төр буцааж аваа.

    Хариулах
  • 66.181.161.69
    2021/04/06

    Шинжлэх ухаан акедимийн нэртэй ашиглагдахгүй газар байсанаас ард иргэдэд хүртээлтэй ач холбогдол өгөх дүүргийн хэмжээнд дэхь нэгдсэн эмнэлэг барихыг дэмжиж байна.Маш зөв асуудал дэвшүүлсэн байна. Эмнэлгийн хүртээмж бага, өвчлөл ихсэж байгаа энэ үед эмнэлэг барих асуудал нэн шаардлагтай байгааг иргэд дэмжих нь тодорхой.

    Хариулах
  • 192.82.65.200
    2021/04/06

    12-р хороо зүгээр мяэ-н баруун талд барих нь зөвштээ хот угаасаа баруун зүүн тийшээ л өргөжинө дөө.

    Хариулах
  • 66.181.161.75
    2021/04/06

    цаг хугацааны хувьд хувьчлагдсан эмнэлгээ төрд буцааж авах нь маш ухаалаг шийдвэр гэж ард иргэд бид харж бгаа Баян зүрх дүүргээс сонгогдсон бусад гишүүд хүч анхаарлаа хандуулах цаг бусуу?. Гишүүн Э.Батамгалан ,засаг дарга Н.Баярмөнх нар маш хурдтай сайн ажиллаж бгаад баярлаж бнаа.

    Хариулах
  • 66.181.161.116
    2021/04/05

    Нэгдсэн эмнэлэгтэй болж байгаад баяртай байна,

    Хариулах
  • 66.181.161.39
    2021/04/05

    Ih l hol yavj tuslamj uilchilgee avah ni dee hotiin zuun zahad yum bna. Yag dundaa bairlasan. Oor barih gazar bhguin bhdaa.

    Хариулах
  • 202.126.89.159
    2021/04/05

    Шинээр бариад ашиглах хүртэл хэдэн жил болно, бас жил бүрийн төсөвт нэмж мөнгө оруулсаар байгаад өртөг нь хэд дахин нэмэгдэнэ. Тэгснээс одоо хувьчилчихаад байгаа эмнэлгээ буцаагаад худалдаад авчихвал бодох юм биш үү. Хэн гээч эрхэм энэ том эмнэлгийг авчихсан хэрэг вэ? Мэдээж менежемент гэдэг аргаар үнэгүй авсан байж таараа.

    Хариулах
  • 202.55.188.92
    2021/04/05

    26-р хороог улсын сургууль цэцэрлэгтэй болгоод өгөөч

    Хариулах
  • 66.181.161.122
    2021/04/05

    12-р хороо зүгээр

    Хариулах
  • 202.55.188.46
    2021/04/05

    12-р хорооны газарт япон монголын эмнэлэгийг хажууд зүгээр дээ ядаж авто бус явдаг

    Хариулах