Онцгой байдлын албан хаагчиддаа хүндэтгэл үзүүллээ

Онцгой байдлын байгууллага нэгдсэн тогтолцоонд шилжсэний 15 жилийн ойн хүрээнд Баянзүрх дүүргийн иргэдийн Төлөөлөгчдийн Хурал, Засаг даргын Тамгын газар болон дүүргийн Онцгой байдлын хэлтсээс онцгой байдлын албанд хүчин зүтгэж буй албан хаагчиддаа хүндэтгэл үзүүллээ. Хүндэтгэлийн арга хэмжээнд дүүргийн Иргэдийн Төлөөлөгчдийн Хурлын дарга Ш.Ганчимэг, Засаг дарга Т.Баясах, ЗДТГ-ын дарга Б.Амартүвшин болон албаны бусад хүмүүс оролцов. Тус арга хэмжээний үеэр ажил, хөдөлмөр, хичээл зүтгэлээрээ бусдыгаа манлайлан ажиллаж буй алба хаагчдыг дүүргийн иргэдийн Төлөөлөгчдийн Хурал болон Засаг даргын “Өргөмжлөл”-өөр шагнаж урамшууллаа. Түүнчлэн дүүргийн Гэмт хэргээс урьдчилан сэргийлэх ажлыг зохицуулах салбар зөвлөлөөс гамшгаас урьдчилан сэргийлэх, аврах, эрэн хайх үйл ажиллагаанд зориулан худалдаж авсан хоёр ширхэг мотоциклын түлхүүрийг гардуулан өгсөн байна.