Цэцэрлэг, сургуулийн ажлын явцтай танилцлаа

Нийслэлийн Засаг даргын орлогч Ш.Анхмаа, дүүргийн Засаг даргын орлогч Д.Уламбаяр болон бусад албаны хүмүүс өнөөдөр дүүргийн сургууль, цэцэрлэгийн өргөтгөл, бүтээн байгуулалтын ажлын явцтай танилцлаа. Тодруулбал дүүргийн гуравдугаар хороонд байрлах 50 болон 10 дугаар цэцэрлэгийн өргөтгөлийн барилгын явцтай танилцаж ажил гүйцэтгэж буй компани болон холбогдох албаны хүмүүст хугацаандаа барилгын ажлаа хүлээлгэн өгч, хүүхэд багачуудаа хүлээн авах үүрэг, чиглэл өглөө. Түүнчлэн Бүгд Найрамдах Хятад Ард Улсын санхүүжилтээр 19 дүгээр хороонд баригдаж буй барилгын ажлын явцтай танилцлаа хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.