Хог хаягдлыг төвлөрсөн суурин зах, худалдааны газруудад ангилан ялгаж ашиглах асуудал өнөөдрийн нийгэмд зайлшгүй тулгараад байгаа асуудлын нэг мөн.
Дүүргийн хэмжээнд худалдааны салбарт үйл ажиллагаа явуулах зөвшөөрөлтэй 1000 гаруй ААН, иргэд бизнес эрхэлж байна. Тэгвэл өнөөдөр Хүнс, худалдаа үйлчилгээний хэлтсээс Худалдааны салбар үүсч хөгжсөний 100 жилийн ойг тохиолдуулан дүүрэгт үйл ажиллагаа явуулдаг томоохон зах, худалдааны төвийн ажилтнуудад “Холивол хог, ангилвал баялаг” уриан дор хог хаягдлаа эх үүсвэр дээр нь ангилан ялгах уулзалт зөвлөгөөнийг зохион байгууллаа.
Манай дүүргийн хувьд томоохон зах худалдааны төвүүд байрладаг онцлогтой. Дахин боловсруулах үйлдвэрүүд ажиллахгүй байгаатай холбоотойгоор картон цаас, хог хаягдлууд ил задгай хаягдсаар байна. Гэсэн хэдий ч бусад дахивар нөөц дээрээ төвлөрч шил хуванцар, гяргар уут, лаазаа ангилан ялгаж хэвших хэрэгтэй байгаа юм.
Уулзалт зөвлөгөөний үр дүнд ААН, иргэд энэ сарын 20-ны өдрөөс хог ангилах зориулалт бүхий хогийн савыг гаднаа байршуулж, 8 дугаар сарын 30–аас хогоо ангилж ачуулах шийдвэрт хүрлээ.
Leave a comment