bn

ХҮҮХДИЙН ЭРХИЙН КЛУБИЙН ТӨЛӨӨЛӨЛ БАЯНЗҮРХ ДҮҮРГИЙН УДИРДЛАГУУДАД САНАЛ ХҮРГҮҮЛЛЭЭ

Админ
2022/01/10

Төрийн үйл ажиллагаанд өөрсдийн дуу хоолойг хүргэх боломжийг эрэлхийлэн ЕБС-ийн сурагчид дүүргийн удирдлагуудтай уулзлаа. Өнөөдөр Баянзүрх дүүргийн 69, 44, 53, 148 дугаар ЕБС-ийн төлөөлөл болсон Хүүхдийн эрхийн клубийн гишүүд “Хүүхдийн нэгдсэн чуулга уулзалт”-д оролцох үеэр гарсан санал, санаачилгуудыг нэгтгэн дүүргийн Хөдөлмөр эрхлэлт, нийгмийн хөгжлийн асуудал хариуцсан төслийн удирдагч Ц.Алтанзагас, Боловсролын хэлтсийн дарга Б.Ганбат нарт танилцуулсан юм.

Тэд ЕБС-ийн ахлах ангийнхнаас судалгаа авсан байна. Үүнд сургуулийн орчинд түгээмэл үйлдэгддэг хүчирхийллийн 55 хувь нь үе тэнгийн дарамт, 23 хувь нь сэтгэл санааны, 14 хувь нь бие махбодын, 8 хувь нь бэлгийн дарамтад өртсөн талаар дурджээ. Түүнчлэн багш нарын ёс суртахуун, сургуулийн гадаад орчин, зам тээврийн асуудал гэх мэт чухал асуудлыг хөндөж, шийдвэрлэх арга замын талаар санал болголоо. Дүүргийн удирдлагуудын зүгээс нэн тэргүүнд хүүхдийн эрүүл, аюулгүй орчинд зорчих, сургуулийн орчинг аюулгүй болгоход шаардлагатай арга хэмжээг зохион байгуулах боломжтой талаар хэлэлцсэн юм.


Хөдөлмөр эрхлэлт, нийгмийн хөгжлийн асуудал хариуцсан төслийн удирдагч Ц.Алтанзагас “Хүүхэд та бүхэнд зориулсан ажил, арга хэмжээ зохион байгуулахад өөрсдийн тань юу хүсэж байгаа, юу хэрэгтэй байгаа талаар санал санаачилга чухал үүрэгтэй. Өнөөдөр бидэнд энэхүү саналаа хүргэж байгаад маш их талархаж байна. Бид болох, чадах бүхнээрээ та бүхний хүсэлтийг биелүүлэх болно” гэлээ.

Түүнчлэн Хүүхдийн эрхийн клубээс өөрсдөдөө холбогдох асуудалд үзэл бодлоо илэрхийлж нөлөөллийн ажлуудыг зохион байгуулах санаачилга гаргаж буйд талархал илэрхийлсэн юм.



Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 66.181.183.49
    2022/01/10

    hvnii erh hvvhdiin erhees ehlene dvvrgiin zasag dargiin tamgiin gazar darga Altanzagas tand bayrlalaa hvvhdiin erhiig deedlej hvvhdiin duu hooloig deedlen vzej bgaad talarhya

    Хариулах