84

НИЙТ ХАЛДВАРЫН ТОХИОЛДЛЫН 35-40 ХУВИЙГ ХҮҮХЭД ЭЗЭЛЖ БАЙНА

Админ
2021/07/30

Өнөөдөр Баянзүрх дүүргийн Онцгой комиссын шуурай штабын ээлжит хурал боллоо. Хурлын эхэнд цар тахлын нөхцөл байдал, авч хэрэгжүүлж байгаа арга хэмжээний ажлын явц, үүсч болзошгүй үер усны аюулын үед Хөрөнгө оруулалт, бүтээн байгуулалтын, НҮГ-уудын техник, хүч хүчний бэлэн байдал мөн хороодын Коронавирус/Ковид-19/-ын нөхцөл байдлын талаарх мэдээллийг сонслоо. 

ЭМТ-ийн дарга Д.Тамир: “31-50 насны өвчлөл илүү өндөр байгаа ч нийт халдварын тохиолдлын 35-40 хувийг хүүхдүүд эзэлж байна. Дархлаажуулалттай холбоотойгоор хүүхдүүд халдварт өртөх эрсдэл өндөр байгаа нь санаа зовоож байна” гэлээ.

Одоогийн байдлаар дархлаажуулалтанд хамрагдвал зохих иргэдийн  анхан тунд 88.8, давтан тунд 97.4 хувь хамрагдаад байна. Мөн хурлын үеэр 21 дугаар хороонд байрлах 50 ортой эмнэлгийг 8  сард ашиглалтанд оруулах талаар хэлсэн юм.

Харин үүсч болзошгүй үер усны аюулын үед Хөрөнгө оруулалт, бүтээн байгуулалтын төв болон НҮГ-ууд 47 автомашин, 213  хүний нөөцтэйгөөр бэлтгэл ажлыг хангаж, иргэдэд сэрэмжлүүлэг өгч ажилласан талаар дүүргийн Тохижилт, нийтийн аж ахуйн хэлтсийн дарга Б.Мөнх-Эрдэнэ мэдээлсэн юм. 

Хурлын төгсгөлд Засаг даргын зөвлөх, Шуурхай штабын дарга Б.Эрдэнэбаяр Эрүүл мэндийн төвд НОК, УОК-т хүний нөөцийн асуудлаар албан бичиг хүргүүлэх, хороодын Засаг дарга нар болон НҮГ-ууд ажлын уялдаа холбоогоо сайжруулж хогны асуудалд анхаарч ажиллах чиглэлийг өглөө.




Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна