ЗОРИЛГО

Соёлын ордны эрхэм зорилго нь нийслэлийн баянзүрх дүүргийн хүн амд үзүүлэх соёлын үйлчилгээний хүртээмжийг нэмэгдүүлэх, гоо зүйн болон уран сайхны боловсрол, мэдрэмж, мэдлэгийг дээшлүүлэх, нийтийн соёл урлагийг хөгжүүлэх, соёлын үнэт зүйлсийг өвлүүлэн эзэмшүүлэх, соёлын олон талт үйл ажиллагааг жигд чанартай зохион байгуулахад оршино.

ЗОРИЛТ

ЧИГ ҮҮРЭГ

• Соёлын ордон нь дүүргийнхээ хороодын соёлын танхимуудыг мэргэжил арга зүйн удирдлага, соёл урлагийн мэдээ, мэдээллээр хангаж ажиллах
• Байгууллага, хамт олон, ардын авьяастнуудын бэлтгэсэн уран бүтээлийг хянах, ур чадвар, уран сайхны байдалд мэргэжлийн зөвлөгөө үнэлэлт өгөх
• Соёлын биет болон биет бус өвийг эрэн сурвалжилж олж тогтоох, бүртгэх, хадгалж хамгаалах, сурталчлах, сэргээн засварлах, өвлүүлэн уламжлуулах, эзэмших, ашиглахтай холбогдсон үйл ажиллагааг хууль тогтоомжийн хүрээнд мэргэжлийн ур чадвар, үйлчилгээний өндөр түвшинд зохион байгуулах
• Өөрийн орны болон дэлхийн соёл урлагийн дэвшилтэт ололт, урлаг, утга зохиолын бүтээлийг нийтийн хүртээл болгоход дэмжлэг туслалцаа үзүүлэх хүн амын гоо зүй, уран сайхны мэдлэг мэдрэмжийг дээшлүүлэх
• Соёл чөлөөт цагийн ажлыг хүн амын эрэлт хэрэгцээ хүсэл сонирхол насны онцлогт тохируулан оновчтой олон арга хэлбэрээр мэдээллийн нээлттэй ил тод байдлыг хангаж зохион байгуулах
• Нутаг дэвсгэрийн хүн амыг соёлын төрөл бүрийн арга хэмжээ, үйлчилгээнд хамруулах соёлын үйлчилгээг нийтийн хүртээл болгох
• Иргэдийн дунд зохиох соёл чөлөөт цагийн ажлын төлөвлөгөөг холбогдох бусад байгууллагуудтай хамтран боловсруулж хэрэгжүүлэх

• Сонирхогчдын клуб, хамтлагт иргэдийг өргөнөөр хамруулж авьяас чадварыг нээн хөгжүүлэхэд дэмжлэг үзүүлэх, олон улс, улс, орон нутгийн чанартай уралдаан, наадамд ардын авьяастнуудыг бэлтгэж оролцуулах
• Дүүргийн бүх шатны боловсролын байгууллагуудтай хамтран хүүхэд, залуучуудад гоо зүйн мэдлэг, боловсрол олгох чиглэлээр сургалт, дугуйлан дамжаа хичээллүүлэх
• Үндэсний уламжлалт ёс заншил гэр бүлийн соёл, хүмүүжлийн уламжлалыг дээдлэн, удам угсаагаа мэдэх, угийн бичиг хөтлүүлэх ажлыг нутаг дэвсгэрийн хэмжээнд зохион байгуулах