Улаанбаатар хотын Ардын депутатын хурлын гүйцэтгэх захиргаа (АДХГЗ)-ны 1985 оны 18 дугаар тогтоолоор орон сууцны гудамжны 7 дугаар хороог 2 салгаж орон сууц гудамжны 16 дугаар хоpooг байгуулж байсан түүхтэй. Тухайн үед 600 орчим өрхийн 3000 гаруй хүн амтай, газар нутгийн хэмжээ 90.72 га талбайтай үүсгэн байгуулагдсан байна.
      Нийслэлийн иргэдийн Төлөөлөгчдийн хурлын 2021 оны 12 дугаар сарын 24-ний өдрийн 12/36 дугаар тогтоолоор 16 дугаар хороо нь 40 дүгээр хороо болон хуваагдсан.
      Манай хороо 2025 оны 12 дугаар сарын 03-ны өдрийн байдлаар 5501 өрхийн 20799 хүн амтай. Нийт хүн амын 99.6 хувь нь орон сууцанд, 0.2 хувь буюу 6 өрхийн 37 хүн гэр хороололд амьдардаг.

Эрхэм зорилго:
      Иргэн танд Монгол Улсын Засаг захиргаа, нутаг дэвсгэрийн нэгж, түүний удирдлагын тухай хууль болон бусад хууль, тогтоол шийдвэрийн хэрэгжилтийг ханган, төрийн үйлчилгээг түргэн шуурхай, ил тод чанар хүртээмжтэй хүргэх, оршин суугчдын амьдрах таатай нөхцөлийг бүрдүүлж, амьдралын чанарыг сайжруулахын төлөө ажиллан жишиг хороо болоход оршино.

Хорооны байр нь төвийн дулаан холбогдсон, 663мкв талбайд В1 болон 2 давхар барилгатай юм.

Манай 16 дугаар хороонд үйл ажиллагаа явуулдаг Нийслэлийн ерөнхий боловсролын 44, 53 дугаар сургууль, 53 дугаар сургуулийн салбар, Нийслэлийн хүүхдийн 8, 21, 82, 319, 21 дүгээр цэцэрлэгийн 2 салбар цэцэрлэг, Төр захиргааны хоёрдугаар байгууллага, СОС хүүхдийн асрамж, халамжийн төв, Өнөр бүл хүүхдийн асрамж, халамжийн төв,  Бяцхан тэмүүлэл хүүхдийн сэргээн засах төв,  Орон нутгийн өмчит аж ахуйн нэгж хэрэглэгчид үйлчлэх төв нэг, зэрэг нийт 14 төрийн байгууллага, 233 аж ахуйн нэгж байгууллага, 27 Сууц өмчлөгчдийн холбоо, 3 ашиглалтын алба, 3 нийтийн байр үйл ажиллагаа явуулдаг.

Манай хороо нь 20 хэсэгтэй, 2023 оны 03 дугаар сарын 15-ны өдрийн 63 дугаар тогтоолоор нэмж 3 хэсэгтэй болохоор батлагдан нийт 20 хэсэгтэй болсон байна. Нийт 32 албан хаагчаас Засаг дарга, 2 зохион байгуулагч, Нийгмийн ажилтан, 3 хүүхэд, гэр бүлийн нийгмийн ажилтан, Хөдөлмөр эрхлэлт, халамжийн асуудал хариуцсан мэргэжилтэн, Ахмадын зөвлөлийн дарга, 2 хэсгийн байцаагч, 2 жижүүр, Үйлчлэгч,  Олон нийтийн хог хаягдлын байцаагч, 20 хэсгийн ахлагч нар төрийн анхан шатны үйлчилгээг иргэдэд хүргэн ажиллаж байна.