Манай хороо 1987 оны 3-р сарын 6-нд Улаанбаатар хотын Ардын Депутатуудын Хурлын гүйцэтгэх захиргааны 15-р тогтоолоор Баянзүрх дүүргийн  9-р хорооноос 5 хэсэг 484 өрх 2359 хүн амтайгаар тасарч  анх тулгын чулуугаа тулан 38 жил төрийн үйл ажиллагааг анхан шатанд хүргэж байна.
            БЗД-ийн 17-р хороо нь Нийслэлийн иргэдийн төлөөлөгчдийн хурлын  2021 оны 12 сарын 24-ний өдрийн “Хороодын бүтэц, зохион байгуулалтад өөрчлөлт оруулах тухай” №12/36 дугаар тогтоол, Нийслэлийн иргэдийн төлөөлөгчдийн хурлын 2023 оны 05 сарын 01-ний өдрийн “Тогтоолд өөрчлөлт оруулах тухай” №43 дугаар тогтоолоор хороо хуваагдаж 101 га газар нутагтай 37 гудамж,1370 хашаа 10 хэсгийн 2159 өрхийн 7448 хүн ам, 58 аж ахуйн нэгж байгууллага үйл ажиллагаагаа явуулдаг 100% гэр хороолол юм. 

ЭРХЭМ ЗОРИЛГО:
            Монгол улсын хууль тогтоомж, Засгийн газрын үйл ажиллагааны хөтөлбөр, Нийслэл, дүүргийн ИТХ-ын тогтоол ,Засаг даргын мөрийн хөтөлбөрийг хэрэгжүүлэх ажлыг зохион байгуулах, төрийн үйлчилгээг иргэдэд түргэн шуурхай нээлттэй ил тод хүргэх, хэрэгжүүлэх зорилго тавин ажиллаж байна.

УДИРДЛАГА, ЗОХИОН БАЙГУУЛАЛТ
            Тус хороо нь 2025 онд Засаг дарга, Зохион байгуулагч, 2 Нийгмийн ажилтан, 2 Хөдөлмөр эрхлэлт, халамжийн асуудал хариуцсан мэргэжилтэн, 1 хэсгийн байцаагч, 1 хороо хариуцсан цагдаа 1, хорооны ахмадын зөвлөлийн дарга 1, хог хаягдал, олон нийтийн байцаагч 1, 11 хэсэг тус бүр хэсгийн ахлагчтай бөгөөд хэсгийн ахлагч бүр дунджаар 200-250 өрхийг ахлан ажиллаж байна.