Баянзүрх дүүргийн 23 дугаар хороо нь анх Баянзүрх дүүргийн Иргэдийн Төлөөлөгчдийн Хурлын Тэргүүлэгчдийн 2007 оны 02 дугаар сарын 28-ны 27 дугаар тогтоолоор байгуулагдсан.

Тус хороо нь 225.82 га нутаг дэвсгэртэй, 3087 өрх, 10090 хүн амтай, 100% гэр хороолол юм.

Манай хороо нь 15 хэсэгтэй, нийт 26 албан хаагч төрийн анхан шатны үйлчилгээг иргэдэд хүргэн ажиллаж байна. Манай хорооны эрхэм зорилго бол Монгол Улсын Засгийн газар, нийслэл, дүүрэг, хорооны Засаг даргын мөрийн хөтөлбөр, нийгэм, эдийн засгийг хөгжүүлэх зорилтыг хэрэгжүүлэхэд ажлаа чиглүүлж, Монгол Улсын Засаг захиргаа, нутаг дэвсгэрийн нэгж, түүний удирдлагын тухай хууль болон бусад хууль, тогтоол шийдвэрийн хэрэгжилтийг хангаж, орон нутагт хэрэгжүүлэх үйл ажиллагаандаа хуулийг дээдлэн, Иргэдэд төрийн үйлчилгээг хүртээмжтэй, хууль эрх зүйн хүрээнд тэгш, шударга, үр нөлөөтэй хүндрэл чирэгдэлгүй хүргэн ажиллах юм.

Баянзүрх дүүргийн 28, 35, 9, 10 дугаар хороотой хиллэдэг.  Манай 23 хороонд Ерөнхий боловсролын 87-р сургууль, 211-р цэцэрлэг, 320-р цэцэрлэг, 6-р цэцэрлэг, Цагдаагийн Гуравдугаар хэлтэс зэрэг төрийн байгууллагууд, 52 ААН үйл ажиллагаа явуулдаг. 2022 оны 09 сараас хорооны Засаг даргаар М.Пүрэвдорж ажиллаж байна.

ХХАХМ Ш.Эрдэнэсувд Утас: 91089270