Нийслэлийн Иргэдийн хурлын 2010 оны 12 дугаар сарын 24-ний өдрийн 6/48 тоот тогтоолоор Баянзүрх дүүргийн 12 дугаар хорооноос 536 өрх, 1456 хүн амтай 26 дугаар хороо болон байгуулагдаж байсан.

Манай хороо нь 2023 оны 01 сарын 1-ний байдлаар Нийслэлийн Иргэдийн Төлөөлөгчдийн хурлын 2021 оны 12 дугаар сарын 24-ний өдрийн 12/36 дугаар тогтоолоор 26-р хорооноос 36-р хороо шинээр байгуулагдсан.

 26-р хороо нь 22767 хүн ам,6754 өрхтэй болсон. Дан орон сууцны хороо юм.

Маршалын гүүрний хойд тэнхлэгээс эхлэн хойшоо Хүннүгийн гудамжаараа урагш Маршалын гүүрний хойд тэнхлэг хүрнэ. Хорооны баруун талын хил хязгаар Home plaza худалдааны төв хүртэл, зүүн талруугаа Баянзүрхийн гүүр хүртэл, урд хязгаар нь Туул голын эрэг хүртэл, хойшоогоо Хүннүгийн гудамж. Газар нутгийн хэмжээ 934 га газар нутагтай.

ЗОРИЛГО ЗОРИЛТ

Төрийн үйлчилгээг чирэгдэлгүй, чанартай, хүртээмжтэй, шуурхай, соёлтой хүргэж нийслэл, дүүрэгт ажил амжилтаараа тэргүүний хамт олон болох эрхэм зорилготой.

• Төрийн үйлчилгээг иргэдэд түргэн шуурхай хүргэж, төрийн албан хаагчийн ёс зүйг чанд сахиж ажиллах,
• Ахмадуудаа хүндэтгэж, хүүхэд, залуучуудыг дэмжиж, өрхийн орлогыг нэмэгдүүлэх,
• Ажлын байр нэмэгдүүлэх, хөгжлийн бэрхшээлтэй иргэдийг нийгэмшүүлэх,
• Иргэдийн тохитой эрүүл аюулгүй орчинд амьдрах нөхцлийг бүрдүүлэхийн төлөө зорилтуудыг дэвшүүлэн ажилладаг.

Манай хороонд Ерөнхий боловсролын 133 дугаар сургууль үйл ажиллагаа явуулдаг, улсын цэцэрлэг байхгүй, хувийн 11 цэцэрлэг үйл ажиллагаа явуулж байна.