ЭРХЭМ ЗОРИЛГО

Төрийн албаны шуурхай, тасралтгүй, чанартай байх зарчмыг чанд баримтлан, хууль журмыг сахин биелүүлж, иргэн бүрт хүнд сурталгүй төрийн үйлчилгээг хөнгөн шуурхай хүргэж, төрийн албан хаагчийн ёс зүйг чандлан сахиж ажиллаж байна.

Тус хороо нь 2016 онд өөрийн цогцолбор байртай болж үйл ажиллагаагаа явуулж эхэлсэн. Газарзүйн хувьд уулархаг болон голын ай сав дагуу байралсан намгархаг газар хосолсон. Урд талаараа 2 дугаар хороотой, хойд талаараа 21 дүгээр хороотой, зүүн талаараа 31 дүгээр хороотой, баруун талаараа 29 дүгээр хороогоор зааглагддаг. Тус хороо нь 292 га талбайтай, 3247 өрхийн 11005 хүн амтай.  16 хэсэгтэй хэсэг тус бүр хэсгийн ахлагчтай, дан гэр хорооллоос бүрдсэн томоохон хороодын нэг болон үйл ажиллагаа явуулж байна.

2025 оны 02 дугаар сарын 01-нээс Засаг даргаар Давыдов овогтой Оюунтөгс томилогдон ажиллаж байна. Мөн Зохион байгуулагчаар Б.Удвал, нийгмийн ажилтан Г.Оюунхуар, халамжийн мэргэжилтэн С.Удаанжаргал, ХХОНБ Б. Арвинаа, 16 хэсгийн ахлагч, 3 жижүүр , 1 үйлчлэгч нарын нийт 25 хүний бүрэлдэхүүнтэй  ажиллаж байна.  

Аж ахуйн нэгж, байгууллага: Хорооны нутаг дэвсгэрт 132 дугаар сургууль, 212 дугаар цэцэрлэг, хувийн 70 гаруй аж ахуйн нэгж, байгууллага, үйл ажиллагаа явуулж байна.

Хүн амын хүйсийн харьцаа: Тус хорооны нийт хүн амын 53,29 хувийг эмэгтэйчүүд, 46,71 хувийг эрэгтэйчүүд тус тус эзэлдэг.

Боловролын түвшин: Иргэдийн 25 хувь нь Баклавр, 38 хувь нь Бүрэн дунд боловсролтой байна.

Ажил эрхлэлт: Хөдөлмөрийн насны нийт иргэдээс 15 хувь нь ажил эрхэлдэггүй, 39,6 хувь нь цалин хөлстэй ажил эрхэлдэг.