БЗД-ийн 35 дугаар хороо нь Нийслэлийн иргэдийн Төлөөлөгчдийн Хурлын 2022 оны 43 дугаар тогтоолоор Баянзүрх дүүргийн 20 дугаар хороо Гачуурт тосгон, Баянзүрх дүүргийн 23 дугаар хорооноос албан ёсоор салж 2022 оны 04 дүгээр сард байгуулагдан 2022 оны 11 дүгээр сараас эхлэн үйл ажиллагаагаа явуулж байна.

Баянзүрх дүүргийн 35 дугаар хороо нь Улаанбаатар хотын төвөөс /Баянзүрх дүүргээс/ 25 км-ын зайд Улиастайн хойд хэсэгт байрладаг.  Тус хороо нь нийт 10 хэсэгтэй 2023 оны жилийн эцсийн Хүн амын Статистик тоон мэдээллээр 2200 өрхийн 6557 хүн ам амьдарч байна. Дийлэнх хүн амын 70 гаруй хувь нь төв хэсэгт суурьшмал амьдардаг бол 20 гаруй хувь нь хөдөөний 2 хэсэгт таран амьдардаг малчин өрх байдаг. Мөн нийслэлийн төдийгүй дүүргийн хамгийн том газар нутагтай, хамгийн их малтай хороонд зүй ёсоор тооцогддог, нэн ховордсон төрөл бүрийн эмийн ургамал, бут сөөг, шилмүүст мод, жимс жимсгэнэ, нэн ховор ан амьтан үржүүлэн өсгөдөг, дархан цаазат ан амьтадтай, түүх дурсгалын олон газартай, байгалийн үзэсгэлэнт тогтоцтой нутаг

Алсын хараа: Баянзүрх дүүргийн 35 дугаар хороо нь өөрийн удирдлагын алсын хараатай бодлого, иргэдэд хүрсэн эерэг зөв хандлагатай, иргэндээ ээлтэй төрийн үйлчилгээ, нутгийн иргэдийн бүтээлч санаачлага, боломжинд суурилсан орон нутгийн тогтвортой хөгжил, эрүүл орчин, тайван амьдрал, эрдэм боловсролтой хойч ирээдүйг бүрдүүлэхэд оршино.

Эрхэм зорилго: “Төр засгийн бодлого шийдвэр, дээд шатны байгууллагуудын тогтоол шийдвэрийг иргэдэд мэдээлэх, түүнийг биелүүлэх ажлыг зохион байгуулан, хяналт тавьж, төр иргэний харилцааг нээлттэй болгож, иргэд олон нийтийн санал санаачилгад тулгуурлан төрийн бодлогыг шударгаар хэрэгжүүлнэ”

Үйл ажиллагааны чиглэл:

1. Хууль тогтоомж, засгийн газрын болон улсын их хурлын гишүүд, нийслэл, дүүргийн иргэдийн төлөөлөгчдын хурал, түүний тэргүүлэгчдийн тогтоол, шийдвэр, засаг даргын захирамжийг сурталчлах, хэрэгжүүлэх.
2. Нийслэл, дүүргийн засаг даргын мөрийн хөтөлбөр, дэвшүүлсэн зорилтын хүрээнд хорооныхоо ажлын төлөвлөгөөг уялдуулах
3. Хорооны засаг даргын үл ажиллагааны хөтөлбөрийг бүрэн хэрэгжүүлэх
4. Хорооны иргэдийн тулгамдсан асуудлуудыг харьяалах дээд шатны байгууллагуудад цаг тухайд нь уламжлан, шийдвэрлүүлэхэд идэвхи санаачлага гарган ажиллах.
5. Төрийн үйлчилгээг иргэдэд хөнгөн шуурхай хүргэж, төрийн албан хаагчийн ёс зүйг чандлан сахиж ажиллах.
6. Иргэдийн тохитой эрүүл орчинд амьдрах нөхцөлийг бүрдүүлэх зорилтуудыг дэвшүүлэн ажиллахад оршино.