БАЯНЗҮРХ ДҮҮРЭГ 6-Р ХОРОО
ТАНИЛЦУУЛГА
Баянзүрх дүүргийн 6 хороо нь анх 1965 онд байгуулагдсан 24,7 газар нутагтай. Манай хорооны эрхэм зорилго бол төрийн үйлчилгээг иргэдэд түргэн шуурхай нээлттэй хүргэх, иргэд оршин суугчдын ая тухтай, эрүүл аюулгүй орчинд амьдрах нөхцлийг бүрдүүлэхэд ашиг сонирхлын зөрчилгүй үйлчлэн ажиллах явдал юм.
Манай хороо 2023 оны 1 дүгээр сарын 1-ний өдрийн байдлаар 10304 хүн амтай байна. Нийт хүн амын 100% хувь нь орон сууцанд амьдардаг.
Манай хороонд Ерөнхий боловсролын 21 дүгээр сургууль, Арвис сургууль, 59 дүгээр цэцэрлэг, 136 дугаар цэцэрлэг, 265 дугаар цэцэрлэг, Ягаан цамхаг монтессори цэцэрлэг, Хөөрхөн маамуу цэцэрлэг, Сэргэлэн жаалууд цэцэрлэг, Баярбаясал цэцэрлэг, Эдү кидс хаус (Edu kids house) цэцэрлэг үйл ажиллагаа явуулдаг. Мөн Хан талс худалдааны төв, Маркет плейс-Баянзүрх зах, Наран плейс, Орчлон комплекс худалдааны төв, Эфес худалдаааны, Эрхэт худалдааны төв зэрэг томоохон зах худалдааны төв байрладаг.
АЖИЛЧИД
Манай хороо 13 хэсэгтэй, нийт 29 албан хаагч төрийн анхан шатны үйлчилгээг иргэдэд хүргэн ажиллаж байна.
Б.ЭНХБААТАР |
А.МӨНХЗУЛ |
Д.ЗАГД |
П.ЧАНЦАЛДУЛАМ | Э.БОЛОР-ЭРДЭНЭ Хөдөлмөр эрхлэлт, халамжийн асуудал хариуцсан мэргэжилтэн Утас: |
ХАМТАРСАН БАГ
Баянзүрх дүүргийн 6 дугаар хорооны Хамтарсан баг нь гэр бүл, хүүхдийн эсрэг хүчирхийллээс урьдчилан сэргийлэх, илрүүлэх, таслан зогсоох, хохирогч хүүхдэд эрүүл мэнд, сэтгэл санааны хувьд хэвийн нөхцөлд эргэн ороход нь дэмжлэг үзүүлэх чиг үүргийн хүрээнд үйл ажиллагаа явуулдаг.
Хамтарсан багийн ахлагчаар Засаг дарга Б.Энхбаатар, багийн гишүүдэд хорооны нийгмийн ажилтан, 21 дүгээр сургуулийн нийгмийн ажилтан Б.Мядагбадам, Хөдөлмөр халамж үйлчилгээний мэргэжилтэн Э.Болортуяа, хэсгийн байцаагч Д.Баттөмөр, “Оцело сэргэлт” ӨЭМТ-ийн нийгмийн ажилтан Д.Нарантуяа нар сонгогдон ажиллаж байна.
ӨРХИЙН ЭРҮҮЛ МЭНДИЙН ТӨВ
Баянзүрх дүүргийн 6 хорооны “Оцело сэргэлт” ӨЭМТ нь 2000 онд байгуулагдсан. Манай ӨЭМТ-ийн эрхэм зорилго бол эрүүл мэндийн анхан шатны тусламж үйлчилгээ болон нийгмийн эрүүл мэндийн тусламж үйлчилгээг чанартай, хүртээмжтэй, үйлчлүүлэгчийн сэтгэл ханамжийг нэмэгдүүлэн, шинэ иновацийг нэвтрүүлэн багаар ажиллах юм.
Бид эрүүл мэндийн анхан шатны тусламж үйлчилгээг үйлчлүүлэгчийн эрүүл мэндийн байдлын үнэлгээ, оношлогоо, эмчилгээ, яаралтай тусламж, үйлчилгээ, хөнгөвчлөх тусламж, үйлчилгээ, сэргээн засах тусламж үйлчилгээ, нийгмийн эрүүл мэндийн тусламж үйлчилгээ, хяналт гэсэн төрлөөр иргэдэд үзүүлж байна.
“Оцело сэргэлт” ӨЭМТ нь нийт 7 эмч, 6 сувилагч, 4 ажилтан албан хаагчийн бүрдэлдэхүүнтэйгээр үйл ажиллагаагаа явуулж байна.
ЦАГДААГИЙН ХЭЛТЭС
Баянзүрх дүүргийн 6 хорооны Цагдаагийн хэлтэс нь нийт 4 албан хаагчийн бүрэлдэхүүнтэй ажиллаж байна. Манай цагдаагийн хэлтэс гэмт хэрэгтэй тэмцэх, нийтийн хэв журмыг хамгаалах, олон нийтийн аюулгүй байдлыг хангах чиг үүргийн дагуу үйл ажиллагаа явуулдаг.
ХОЛБОО БАРИХ
УТАСНЫ ДУГААР: 11450215
ФЭЙСБҮҮК ПЭЙЖ ХУУДАС: https://www.facebook.com/groups/476634253694485/