Баянзүрх дүүргийн Засаг даргын Тамгын газрын Архивын хэлтсийн танилцуулга

ЗОРИЛГО
Баянзүрх дүүргийн Засаг даргын Тамгын газрын Архивын хэлтэс нь архивын баримтыг хууль тогтоомжийн дагуу бүрдүүлж, хадгалж, хамгаалах, иргэн, байгууллагад архивын лавлагаа, үйлчилгээ үзүүлэх, төрийн үйл ажиллагааны ил тод, нээлттэй байдлыг хангахад чиглэн ажиллана.

ЗОРИЛТ
Архивын хэлтэс нь дараах үндсэн зорилтыг хэрэгжүүлнэ. Үүнд:

• Архивын баримтын бүрдүүлэлт, хадгалалт, ашиглалтыг хууль, журмын дагуу зохион байгуулах
• Иргэн, байгууллагад архивын лавлагаа, үйлчилгээ үзүүлэх ажлыг шуурхай, чанартай хэрэгжүүлэх
• Архивын баримтын аюулгүй байдал, хадгалалтын нөхцөлийг сайжруулах
• Архивын үйл ажиллагаанд мэдээллийн технологийг нэвтрүүлж, цахимжуулалтыг хөгжүүлэх
• Төрийн байгууллагын албан хэрэг хөтлөлт, архивын ажлын нэгдсэн удирдлага, зохион байгуулалтыг хангах

ЧИГ ҮҮРЭГ
Архивын хэлтэс нь дараах чиг үүргийг хэрэгжүүлнэ. Үүнд:

• Архив, албан хэрэг хөтлөлтийн талаарх хууль тогтоомж, бодлого, шийдвэрийн хэрэгжилтийг зохион байгуулах
• Дүүргийн харьяа байгууллагуудын архив, албан хэрэг хөтлөлтийн үйл ажиллагаанд мэргэжил, арга зүйн удирдлагаар хангах
• Архивын баримтын бүрдүүлэлт, нөхөн бүрдүүлэлт, шилжилт хөдөлгөөнийг зохион байгуулах
• Архивын баримтын хадгалалт, хамгаалалт, ашиглалтад хяналт тавих
• Архивын цахим сан, мэдээллийн нэгдсэн бүртгэл, лавлагааны тогтолцоог хөгжүүлэх
• Иргэн, байгууллагад архивын лавлагаа, үйлчилгээ үзүүлэх үйл ажиллагааг зохион байгуулах
• Харьяа байгууллагуудад хяналт шалгалт хийх, мэргэжил арга зүйн зөвлөгөө өгөх
• Албан хэрэг хөтлөлтийн үйл ажиллагаанд хяналт тавих, заавар зөвлөмжөөр хангах
• Төрийн болон албаны нууцтай холбоотой баримт бичгийн хадгалалт, ашиглалтад холбогдох хууль тогтоомжийн хэрэгжилтийг хангах
• Дээд шатны болон дүүргийн удирдлагаас өгсөн үүрэг даалгаврыг хэрэгжүүлж, тайлагнах

ҮЙЛЧИЛГЭЭ
Архивын хэлтэс нь дараах үндсэн үйлчилгээг үзүүлнэ. Үүнд:

• Архивын баримтаас лавлагаа, тодорхойлолт олгох
• Архивын баримтын хуулбар, баталгаажуулалт хийх
• Иргэн, байгууллагад архивын мэдээлэл, үйлчилгээ үзүүлэх
• Архив, албан хэрэг хөтлөлтийн талаар зөвлөгөө, арга зүйн дэмжлэг үзүүлэх
• Архивын цахим мэдээллийн сангаар дамжуулан лавлагаа, мэдээлэл олгох