Дэлхий нийтээр цар тахлын тархалтыг хумих, дельта вирусын халдварыг сааруулах ганц арга зам нь вакцины 3 дугаар тун хэмээн үзэж байна. Харин манай улсад иргэдийн дунд вакцинтай холбоотой ташаа мэдээлэл багагүй дэлгэрээд буй.

Уг асуудалтай холбоотойгоор өнөөдөр дүүргийн Эрүүл мэндийн төвийн төлөөлөл болон хороодын Засаг дарга нар Короновируст халдварын тархалтыг бууруулах болон вакцинжуулалтын нөхцөл байдлын талаар санал бодлоо хуваалцлаа.

Дүүргийн Шуурхай штабын дарга, Засаг даргын орлогч Г.Жаргалсайхан “Коронавирусын эсрэг вакцины 3 дугаар тунд хамруулах ажлын хүрээнд иргэдийг үнэн зөв мэдээллээр хангахын тулд мэргэжлийн байгууллагуудын оролцоог нэмэгдүүлэх нь чухал байна” хэмээн онцолсон юм. Түүнчлэн хороодод вакцины цэгийг ойртуулах саналыг хороодын Засаг дарга нар гаргалаа.
Leave a comment