Төрийн албыг ёс зүйтэй, сахилга баттай, шинэлэг сэтгэлгээ, зөв хандлагатай, чадварлаг албан хаагчдаар бүрдүүлэн, чадахуй (мерит)-н зарчимд суурилсан шатлан дэвшүүлэх тогтолцоог хэвшүүлэх нь хуулиа дээлдэг, иргэндээ үйлчилдэг төрийн албыг төлөвшүүлэх суурь нөхцөл болно.
Төрийн албаны тухай хуулийн шинэ орчинд нийцүүлэн төрийн албаны шинэтгэлийг үр дүнд хүргэхийн төлөө Монгол Улсын Ерөнхийлөгч, Улсын Их Хурал, Засгийн газар, Төрийн албаны зөвлөлөөс төрийн албан хаагчийн ёс зүй, төрийн албаны сахилга хариуцлагыг сайжруулах, ашиг сонирхлын зөрчлөөс урьдчилан сэргийлэх, ажлын байрны дарамтыг арилгах чиглэлээр удирдлага, зохион байгуулалтын арга хэмжээг нэгдсэн бодлого, хамтын ажиллагаагаар хэрэгжүүлж байна.
Төрийн албаны зөвлөл төрийн албаны стандартын удирдлагыг хэрэгжүүлэх бүрэн эрхийнхээ дагуу Төрийн албаны тухай хуулийн 66 дугаар зүйлийн 66.1.1, 66.1.8, 66.1.9, “Төрийн албаны зөвлөлийн үйл ажиллагааны дүрэм”-ийн 3.1.2.г, 3.1.2д, 3.1.5а, 3.1.5.б, 4.5-д заасныг үндэслэн төрийн байгууллагын удирдах албан тушаалтан, төрийн нийт албан хаагчдад дараах 4 чиглэлээр зөвлөмж хүргүүлж байна
Leave a comment