#Иргэнтанд #СЭРЭМЖЛҮҮЛЭГ Тарваган тахал өвчин нь нянгаар үүсгэгддэг, халдвартай мэрэгч амьтад тэдний бүүргээр дамжин халдварлагддаг, тунгалгийн зангилаа, уушгийг зонхилон гэмтээдэг халууралт, хордлогоор илэрдэг зоонозын цочмог халдварт өвчин юм. Монгол улсын Амьтны тухай хууль 11 дүгээр зүйлийн 11.1.9 дэх заалт, Байгаль орчин, аялал жуулчлалын сайдын 2017 оны 09 дүгээр сарын 22-ны өдрийн “Тарвагыг ахуйн болон үйлдвэрлэлийн зориулалтаар агнахыг түр хугацаагаар хориглох тухай” А/278 дугаар тушаал, Нийслэлийн Онцгой комиссын Ажлын хэсгийн 2020 оны 07 дугаар сарын 17-ны өдрийн 07 дугаар хурлын тэмдэглэл, Нийслэлийн Онцгой комиссын даргын 2020 оны 07 дугаар сарын 20-ны өдрийн “Тарваган тахал өвчнөөс урьдчилан сэргийлэх ажлыг эрчимжүүлэх тухай” 03 дугаар албан даалгаврын хүрээнд иргэдийг гэмт хэрэг зөрчлөөс урьдчилан сэргийлэх, мэдлэг мэдээлэл олгох, тарваган тахал өвчнөөс урьдчилан сэргийлэх арга хэмжээг зохион байгуулан ажиллаж байна. Тарвага, зурам агнахгүй байх, тарвага, зурамны арьс, мах худалдан авах, мах хоол хүнсэндээ хэрэглэхгүй байхыг анхааруулж байна. Баянзүрх дүүргийн авто тээврийн шалган нэвтрүүлэх товчоонд байнгын хяналт шалгалт хийгдэж байна. Иргэд та бүхэн тарваган тахал өвчнөөс урьдчилан сэргийлнэ үү.
Leave a comment