Мод нь дуу чимээ намсгах, зуны улиралд шороо тоосны 50%, өвлийн улиралд 40% -ийг өөртөө шингээж агаар цэвэрлэдэг. Тэр ч утгаараа Баянзүрх дүүрэг Ногоон байгууламжаа нэмэгдүүлэх, иргэдийг чөлөөтэй амарч, ая тухтай байхад зориулан 6 бичил, 1 том цэцэрлэгт хүрээлэнг бүтээн байгуулахаар төлөвлөөд байна.
Өнөөдөр дүүргийн 10 дугаар хороонд дүүргийн Засаг даргын Тамгын газар, Цэргийн штаб, Онцгой байдлын хэлтэс, Газар зохион байгуулалтын алба болон хувийн хэвшлийн газруудтай хамтран 400 гаруй мод тарьлаа. Маргаашнаас тус талбайг хамгаалах хашаа барих ажлыг эхлүүлэхээр төлөвлөөд байна.
“Ногоон орчныг дэмжье” уриан дор дүүргийн нутаг дэвсгэрийн хэмжээнд ой төгөл шинээр байгуулж, жил бүр ойн санд 40-50 мянган ширхэг мод бут тарьж иргэдийн экологийн мэдлэгийг дээшлүүлэх, сул хөрс шороо бүхий газрыг ногоон байгууламж болгон тохижуулах, байгалийн эко системд дэмжлэг үзүүлэх зорилгоор Баянзүрх дүүрэг 4 байршилд төгөл байгуулж 5000 гаруй мод тариад буй.
Leave a comment