Баянзүрх дүүрэг өвөлжилтийн бэлтгэл ажлын хүрээнд нийтийн гудамж, зам талбайн гэрэлтүүлгийн ашиглалт аюулгүй ажиллагаанд хяналт шалгалтыг хийж, зөрчлийг арилган ажиллаж байна. Өнгөрсөн хугацаанд
- 580 метр хуучирч муудсан гэрэлтүүлгийн тэжээлийн кабель шугам шинэчлэх
- Ашиглалтын шаардлага хангаагүй гэрэлтүүлгийн 1100 метр СИП кабель шинэчлэх
- Дүүргийн нутаг дэвсгэрт эвдэрсэн 16 ширхэг гэрэлтүүлгийн шонг шинээр босгож, хазайсан дахин ашиглах боломжгүй 58 ширхэг гэрэлтүүлгийн шон тэгшлэх
- Мөн 2, 5, 12, 22, 24, 27, 28 дугаар хороонд ашиглалтын шаардлага хангаагүй 11 ширхэг гэрэлтүүгийн самбар шинэчлэх зэрэг ажлыг гүйцэтгэсэн юм.
Түүнчлэн орон сууц болон гэр хорооллын дундах гудамж талбайн гэрэлтүүлгийн техник тоног төхөөрөмжийн бэлэн байдал, иргэд байгууллагаас ирүүлсэн гомдол саналыг барагдуулах зэрэг байнгын ажиллагааг хангах 24 цагийн шуурхай албыг гэрэлтүүлгийн ашиглалт хариуцсан “Грийн электрик инженеринг” ХХК болон “Смарт контрол” ХХК гүйцэтгэж байна.
Leave a comment