Нийслэлийн Засаг даргын захирамжаар 2024 оныг “Тохижилт-Бүтээн байгуулалтын жил” болгон зарласан. Үүнтэй холбоотой Хотын стандарт, хяналтын газраас дүүргүүдийн хийж хэрэгжүүлэх ажлын төлөвлөгөө, гүйцэтгэл, хэрэгжилтэд хотын батлагдсан стандартыг тусгах, хяналт шалгалтын чиглэлээр уялдаа холбоог сайжруулах, цаашид тогтмол хамтарсан зохион байгуулалттай ажиллах талаарх уулзалтыг Нийслэлийн нутгийн захиргааны 36 байгууллагатай хийхээр төлөвлөжээ.
Өнөөдөр Баянзүрх дүүрэгт энэхүү уулзалтыг хийж холбогдох алба хэлтсийн төлөөлөл оролцлоо.
Тус уулзалтаар:
Хотын стандартыг хэрэгжүүлэхдээ:
1. Барилга байгууламжийг төлөвлөх үед нь тусгах, шалгах
2. Гүйцэтгэлийн үйл явцад зөвлөн туслах, шалгах
3. Барилга, байгууламжийг байнгын ашиглалтад оруулах явцад хянан шалгах
4. Орчны аюулгүй байдлыг хангуулах
5. Ашиглалтын явцад стандарт, норм ба дүрмийг хуулийн дагуу мөрдүүлэх, хэрэгжүүлэх талаар үндсэн шаардлагууд дээр хамтран ажиллах шийдлүүдийг хэлэлцлээ.
Leave a comment