Баянзүрх дүүргийн Засаг дарга Н.Баярмөнх дүүргийг 5 бүсд хувааж бүс тус бүрийг хариуцах багийг томиллоо
Дархлаажуулалтын 2-р тундаа хамрагдсан, эсрэг биет тогтсон төрийн албан хаагчдыг дайчилж гэрээр тусгаарлагдаж байгаа батлагдсан тохиолдлын иргэдтэй холбогдож мэргэжлийн байгууллагуудтай холбох, санал бодлыг сонсох, цаашлаад амьжиргааны түвшин доогуур иргэдэд анхаарч тодорхой ажлуудыг зохион байгуулах юм.
Ингэхийн тулд Баянзүрх дүүргийг 5 бүсд хувааж бүс тус бүрийг хариуцах багийг хуваариллаа. Багуудыг Баянзүрх дүүргийн Засаг даргын орлогч, төсөл хариуцсан удирдагч, дүүргийн эрүүл мэндийн төвийн дарга нар ахалж байна. Харин багуудад Баянзүрх дүүргийн Засаг даргын тамгын газрын холбогдох хэлтэс, харьяа хэлтэс газрууд багтаж байна.
Тухайлбал
1. Баянзүрх дүүргийн хэмжээнд коронавирусын батлагдсан тохиолдлын гэрээр эмчилгээ хийлгэж байгаа иргэдэд шаардлагатай хоол хүнс, эм хангамжны хүргэлт хийх
2. Амьжиргааны түвшин доогуур иргэдэд шаардлагатай хүнсний багц, амин дэмийн судалгааг гаргаж хангах
3. Иргэдийг халдвар хамгааллын дэглэм мөрдүүлэх
4. Иргэн-Мэргэжлийн байгууллагын хооронд мэдээлэл, харилцаа холбоогоор холбох гүүр болж ажиллах гэх мэт маш олон ажлуудыг хийхээр төлөвлөөд байна.
Leave a comment