Баянзүрх дүүргийн Тамгын газраас хорооны зохион байгуулагч болон хэсгийн ахлагч нарт агаарын бохирдлын эх үүсвэрийн тооллого хийх аргачлалын талаар сургалт зохион байгууллаа
Агаарын бохирдлын эх үүсвэрийг тодорхойлох тооллогыг жил бүр зохион байгуулдаг бөгөөд энэ удаагийн нэгдсэн тооллого нэг болон хоёрдугаар сард хийгдэх юм.
Сургалтын үеэр Баянзүрх дүүргийн агаарын бохирдлын өнөөгийн нөхцөл байдал, түүнд нөлөөлж буй гол эх үүсвэрүүд болох:
• гэр ахуйн халаалт,
• автомашины хөдөлгөөний ялгаралт,
• жижиг аж ахуйн нэгжүүдийн утаа
зэрэг асуудлаар мэдээлэл өгч, иргэдийн оролцоог нэмэгдүүлэх боломжуудыг танилцууллаа.
Мөн хороодын түвшинд хэрэгжүүлэх бодит арга хэмжээ, айл өрхөд зөвлөгөө өгөх аргачлал, идэвхжүүлэлтийн ажлын төлөвлөгөө боловсруулах чиглэлээр заавар зөвлөмж өгсөн юм.
Тус сургалтын зорилго нь зохион байгуулагчдын мэдлэг, ур чадварыг нэмэгдүүлж, иргэдтэй илүү үр дүнтэй, шуурхай ажиллахыг дэмжихийн зэрэгцээ дүүргийн хэмжээнд агаарын бохирдлыг бууруулах хамтын ажиллагааг бэхжүүлэхэд оршино.
Leave a comment