Баянзүрх дүүргийн Улаан загалмайн хорооны ээлжит сургалт зохион байгуулагдлаа
Баянзүрх дүүргийн Улаан загалмайн хороо нь цэцэрлэг, сургуулийн багш, ажилтнуудад зориулсан анхны тусламжийн сургалт, зөвлөмжийг тогтмол зохион байгуулж, осол гэмтлээс урьдчилан сэргийлэх чиглэлээр хамтран ажилладаг.
Энэ удаагийн “Бага насны хүүхдийн хахалтын үед авах хариу арга хэмжээ” сэдэвт сургалтыг 255 дугаар цэцэрлэгийн багш нарт явууллаа.
Хахалт нь бага насны хүүхдүүдэд хамгийн их тохиолддог ослын нэг бөгөөд хоол хүнс, жижиг тоглоом, гаднын биет амьсгалын замд орсноос үүдэлтэй байдаг. Ийм үед асран хамгаалагч болон цэцэрлэгийн багш, ажилчид зөв, хурдан арга хэмжээ авах нь хүүхдийн амь насыг аврах чухал ач холбогдолтой юм.
Leave a comment