Өнгөрсөн долдугаар сард Баянзүрх дүүргийн хэмжээнд хоол үйлдвэрлэл, үйлчилгээний чиглэлээр үйл ажиллагаа явуулдаг аж ахуйн нэгжүүдэд аттестатчиллын шалгалт хийсэн.
Харин өнөөдөр дүүргийн Хүнс, худалдаа үйлчилгээний хэлтсээс аттестачлалын шалгалтанд тэнцсэн аж ахуйн нэгжүүдтэй “Хоол үйлдвэрлэл, үйлчилгээний холбогдох хууль тогтоомж”-ийн хэрэгжилттэй холбоотойгоор уулзалт хэлэлцүүлэгийг зохион байгууллаа.
Уулзалт хэлэлцүүлгийн үеэр аттестатчиллын шалгалтын явцад гарсан нийтлэг зөрчил дутагдлыг засч, цаашид стандартын шаардлага хангуулах зорилгоор арга зүйн заавар зөвлөгөө өгсөн.
Дүүргийн Хүнс, худалдаа үйлчилгээний хэлтэстэй хийсэн “Худалдаа үйлчилгээ эрхлэх гэрээ”-д тусгагдсан орчны 50метр зураглалд хамаарах талбайн тохижилт, гадна фасад, гэрэлтүүлэг, хаягжилтыг сайжруулан, ногоон байгууламжийг нэмэгдүүлэх, халдвар хамгааллын дэглэм мөрдөн ажиллах чиглэл өгч гэрээний үүргээ биелүүлж хамтран ажиллахыг хүслээ.
Мөн дүүргийн нутаг дэвсгэрт үйл ажиллагаа эрхэлж буй ААН-үүдэд хогоо ангилан ялгах, ангилсан хогоо дахин боловсруулах менежментийг сайжруулах тал дээр Төвшинсайхан төвтэй хамтран ажиллахаар болсон юм.
Leave a comment