Нийгэм даяаршихын хэрээр үндэсний өв соёлын уламжлал залуу хойч үеийн дунд мартагдах цаашлаад ёс заншлаа эрхэмлэн дээдлэх үзэл бүдгэрэх хандлага түгээмэл байна.
Хүүхэд, залуус уламжлал, зан заншлаасаа суралцаж, түгээн дэлгэрүүлэх үүргээ биелүүлж, өв соёлын дархлаагаа хадгалан, хамгаалж явах учиртай.
Тэгвэл өнөөдөр Баянзүрх дүүргийн 28 дугаар хорооны 120 дугаар сургуулийн 12 дугаар ангийн сурагчдад “Монголчуудын эрхэмлэн дээдлэх үнэт зүйл” сургалтыг зохион байгуулж байна.
Тус сургалтыг ахлах ангийн сурагчдад өв соёл, үнэт зүйл түүний агуулга, утга бэлгэдэл зэргийг танин мэдүүлэх, эзэмшүүлэх, уламжлан дамжуулах зорилгоор дүүргийн Гэр бүл, хүүхэд залуучуудын хөгжлийн хэлтэс, Ойдов хөгжил сан “Цагаан нуга” хүүхдийн зуслан, СУИС-ийн Соёлын сургуулийн Хүмүүнлэг, боловсрол судлалын тэнхимийн багш нар хамтран явуулж байгаагаараа онцлог юм.
Энэхүү сургалтыг зуслангийн хөтөлбөрт тулгуурлан өртөөчилсөн хэлбэрээр явуулж байгаа бөгөөд Монгол хүн төр, гэр бүл эрдэм мэдлэг, ёс суртахуун, өв соёл, газар шороо, Монгол арга ухаан зэрэг дэд сэдвийн хүрээнд үргэлжилнэ.
Leave a comment