Баянзүрх дүүргийн иргэдийн Төлөөлөгчдийн Хурлын дарга А.Баяр “Элит Балет” компанийн ерөнхий найруулагч, балетчин Ц.Цолмонбудтай уулзаж хамтын ажиллагааны талаар санал солилцлоо. Ууулзалтад Баянзүрх дүүргийн Соёлын ордоны дарга Л.Рэнчинням болон Өмчийн ашиглалт үйлчилгээний төв ОНӨААТҮГ-ын захирал Б.Амарзаяа нар оролцлоо.
“Элит Балет” компанийн ерөнхий найруулагч, балетчин Ц.Цолмонбуд нь БНСУ-ын театрт тэргүүн гоцлоочоор ажиллаж байсан бөгөөд эх орондоо балетийн урлагийг орчин үеийн медиа арттай хослуулан хөгжүүлж буй. Энэ чиглэлээр албан ёсны эрхийг нь авч “La La Land” балет, “Щелкунчик ба гайхамшигийн орон” зэрэг балетын тоглолтыг зохион байгуулж үзэгчдэд хүргээд байгаа юм.
Балетчин Ц.Цолмонбудын хувьд зорилтод бүлгийн хүүхдүүдийг үнэгүй тоглолт үзүүлж байсан гэдгээ хэлээд тэдэнд балетийн урлагийг заах хүсэлтэй явдгаа илэрхийлсэн юм. Тиймээс цаашид Баянзүрх дүүргийн Соёлын ордонтой илүү их хамтран ажиллах, гадаад дотоодын хамтын ажиллагааг ямар чиглэлээр зохион байгуулах талаар санал бодлоо илэрхийлсэн юм.
Баянзүрх дүүргийн иргэдийн Төлөөлөгчдийн Хурлын дарга А.Баяр түүний энэхүү санаачилгыг дэмжиж ажиллахаа илэрхийллээ.
Leave a comment