Баянзүрх дүүргийн Засаг даргын орлогч Г.Жаргалсайхан Онцгой байдлын хэлтэс, Баязүрх дүүргийн Хөрөнгө оруулалт, бүтээн байгуулалтын төв болон холбогдох хүмүүсийн хамт дүүргийн 29-р хороо Сэлбэ голын хөрсний ус ихээр гарч, халиа дошин үүссэн нөхцөл байдал дээр очиж ажиллаа
Үүссэн нөхцөл байдалтай холбогдуулан айл өрхүүд усанд автахаас сэргийлж 530 метр суваг татах, 80 метр газар түр далан босгох, шороо асгах, айл өрхүүдэд урьдчилан сэргийлэх заавар зөвлөмж өгөх эрсдэлтэй бүсэд байгаа айл өрхийг нүүлгэх, газар чөлөөлөлтийг хийх зэрэг хариу арга хэмжээг авч ажиллаж байна.
Иймд иргэд та бүхэн үер буух эрсдэл бүхий байршил, үерийн далан, сувгийн хамгаалалтын зурваст буухгүй байх, шинээр хашаа байшин, газар худалдаж авахдаа намаг цэвдэг, үерийн эрсдэл, хөрсний усны нэвчилт зэргийг шалгаж, нягталж байхыг анхааруулж байна.
Leave a comment