Нийтийн үйлчилгээний ажлыг хянаж, үүрэг даалгавар өглөө
Баянзүрх дүүргийн Менежерийн ээлжит шуурхай хуралдаан өнөөдөр болж, дүүргийн Менежер Ц.Гомбосүрэн удирдав.
Хуралд Хотын стандарт, тохижилт нийтийн аж ахуйн хэлтэс, Хүнс, худалдаа үйлчилгээний хэлтэс, Төлөвлөлт удирдлага, гүйцэтгэлийн хэлтэс гэх мэт холбогдох албаныхан оролцсон юм.
Тус хуралдаанд нийтийн эзэмшлийн зам талбайн цас, мөс цэвэрлэх, халтиргаа гулгааг арилгах, хог хаягдал тээвэрлэлтийн явц, гэрэлтүүлэг, арчлалтын ажлын тайлан танилцуулж, холбогдох тулгамдсан асуудлаар санал солилцож, үүрэг даалгаврыг холбогдох байгууллагуудад өглөө.
Үүрэг даалгаврын хүрээнд дүүргийн хот, нийтийн аж ахуйн үйлчилгээний ажлыг сайжруулах есөн чиглэлд 22 үүргийг шуурхай хугацаатайгаар дүүргийн Менежер холбогдох байгууллагуудад өгч ажиллав.
Leave a comment