Баянзүрх дүүргийн хэмжээнд 453 гаруй Сууц өмчлөгчдийн холбоо бий. Тэдний нэг нь Баянзүрх дүүргийн 16, 40 дүгээр хорооны 13 байрыг хариуцан ажилладаг “Зурх-Уул” СӨХ. Тус СӨХ-ны ажилчид болон оршин суугчид хамтран цагаан сарын баярыг угтсан цас, мөсний цэвэрлэгээгээ нийтээрээ хийж байна.
“Өвлийн цагт СӨХ-ны ажилчид явган хүний замын цасаа цэвэрлэчихдэг учраас цагаан сарын баярыг угтаж тоглоомын талбай, сагсны талбай, нийтийн эзэмшлийн талбайн дагтаршсан цас, мөсийг цэвэрлэхэд туслаж байна” хэмээн оршин суугч ярьсан.
Мөн бусад Сууц өмчлөгчдийн холбоог иргэдийнхээ ая тухтай амьдрах нөхцөлийг бүрдүүлж, монгол түмний уламжлалт цагаан сарын баярыг угтаж гадна талбайн цэвэрлэгээгээ хийхийг “Зүрх-Уул” СӨХ-ны гүйцэтгэх захирал Л.Жаргалсайхан уриалсан юм.
Leave a comment