2025 10 сар 17
|    Утас:  51-263140
Шинэ мэдээ

ДУНД, АХЛАХ АНГИЙН СУРАГЧДЫГ ҮДИЙН ХООЛТОЙ БОЛГОХ САНААЧИЛГА ГАРГАЛАА

Баянзүрх дүүрэг 2024 оныг “Хүүхдийн хөгжлийг дэмжих жил” болгон зарласан. Үүнтэй холбоотойгоор төрийн өмчийн Ерөнхий боловсролын зарим сургууль, цэцэрлэгүүдийн хоол үйлдвэрлэлийн ажилтай Засаг дарга Н.Баярмөнх, бусад удирдлагууд танилцлаа.
Ерөнхий боловсролын 102 дугаар сургуулийн хувьд 1660 сурагчтай. Байгуулагдаад 17 жил болж байна. Цайны газрын хувьд ердөө дөрвөн ширээ сандалтай бөгөөд сургуулийн бүх хүүхдэд хоолоор үйлчлэхийн тулд заавал өргөтгөх, орчноо сайжруулах шаардлагатай. Харин 132-р бага сургуулийн хувьд 356 сурагчтай. Олон улсын байгууллагын дэмжлэгтэйгээр цайны газраа шинэчилж, тохижуулсан. Мөн хичээлийн шинэ жил эхлэх үеэр сурагч нэг бүрийг эрдсийн шинжилгээнд хамруулж, дутагдаж буй амин дэмийг хүүхдийн идэж байгаа хоолоор дамжуулан олгодог зөв жишгийг тогтоож чадсан байна. Баянзүрх дүүргийн удирдлагын багийн зүгээс сургууль бүр дээр ялгаатай байгаа энэ байдлыг өөрчлөх, зөвхөн бага ангийн хүүхдэд үдийн цай олгодог биш дунд, ахлах ангийн хүүхэд бүрд үдийн хоол олгодог байдалруу шилжүүлэх шаардлагатай байгаа талаар энэ үеэр онцолж хэллээ.
Үүний дараа сургууль, цэцэрлэгийн захирал, эрхлэгчидтэй уулзаж үдийн хоол хөтөлбөрлүү шилжихийн тулд тулгамдсан саад бэрхшээлийг хэрхэн хамтдаа шийдвэрлэх тал дээр санал солилцлоо. Сургуулийн удирдлагуудын зүгээс цайны газрын хүний нөөц, орчинг шийдвэрлэх, мөн хамгийн чухал нь хууль эрх зүйн орчинг өөрчилж, шинэчлэх ёстой талаар хэлсэн. Баянзүрх дүүргийн удирдлагын багаас урсгал засвар, гадна дотно тохижилтыг хийж өгна. Харин хууль, эрх зүйн өөрчлөлтийг дээд шатны байгууллагуудад уламжилна гэдгээ мэдэгдлээ. Үүнд багш, эцэг эхчүүдийн хамтын ажиллагаа чухал гэдгийг онцолсон юм гэж Баянзүрх дүүргээс мэдээллээ.

Leave a comment

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн

Facebook

Валютын ханшийн мэдээ

Related Articles

Халтиргаа гулгаа үүсэхээс сэргийлж шаардлагатай авто замуудад давс, бодис цацав.
онцлох мэдээҮйл явдалЦаг үеШинэ мэдээ

Халтиргаа гулгаа үүсэхээс сэргийлж шаардлагатай авто замуудад давс, бодис цацав.

Халтиргаа гулгаа үүсэхээс сэргийлж шаардлагатай авто замуудад давс, бодис цацав. Нийтийн эзэмшлийн...

300-400 мянган тонн хог шатааж, эрчим хүч үйлдвэрлэх чадалтай үйлдвэрийн тендерийг 12 дугаар сард багтаан зарлана.
Үйл явдалШинэ мэдээ

300-400 мянган тонн хог шатааж, эрчим хүч үйлдвэрлэх чадалтай үйлдвэрийн тендерийг 12 дугаар сард багтаан зарлана.

Ирэх жилүүдэд Улаанбаатар хотын эрчим хүчний салбарт дулааны тархмал эх үүсвэр байгуулах,...

Шинэ Зуунмод хотын инженерийн байгууламжийг төр, хувийн хэвшлийн түншлэлээр барина.
Шинэ мэдээ

Шинэ Зуунмод хотын инженерийн байгууламжийг төр, хувийн хэвшлийн түншлэлээр барина.

Улаанбаатар хот газар нутгаа 31 мянган га-гаар тэлж, анхны дагуул хот болох...