Өнөөдөр дүүргийн онцгой комиссын ээлжит хурал болж Эрүүл мэндийн төвийн удирдлагууд болон хорооны ӨЭМТ-ийн төлөөлөл оролцлоо. Хурлын үеэр дүүргийн ЭМТ-өөс Коронавируст халдварын нөхцөл байдал, үйл ажиллагааны чиглэл, шуурхай утасны хэрэглээ болон томуугийн дэгдэлтийн талаар танилцуулга мэдээллийг хийж санал бодлоо солилцсон. Мөн хурлаар ӨЭМТ-ийн тулгамдаж буй асуудал, эмчилгээ үйлчилгээний чанар, хүртээмж, иргэн-өрхийн эрүүл мэндийн төв хоорондын уялдаа холбоо, одоогийн нөхцөл байдлын талаар ярилцсан юм.
Өрхийн эрүүл мэндийн төвүүд хүний нөөц дутагдалтай байгаа нь ачааллыг нэмэгдүүлж байгаагийн дээр залуу боловсон хүч ажлаас халшрах нөхцөл үүсч байгаа. Иргэдийн хувьд зарим зүй зохисгүй харьцах асуудал нь залуу эмч нарт хүндээр тусдаг талаар хэлж байлаа. Мөн бүртгэлтэй хаяг дээрээ байдаггүйн улмаас халдварын нөхцөл байдлын үед эмч, ажилчдад ихээхэн хүндрэл учирдаг байна.
Хэсгийн ахлагчдийг ӨЭМТ-үүдэд хүн хүч хүрэлцээгүй үед бүрэн дайчилж ажиллуулах боломжтойг Шуурхай штабын дарга, Засаг даргын орлогч Г.Жаргалсайхан хэлсэн.
Зарим өрхийн эмнэлгүүд эмийн багц хүргэх, хаяг тодруулах, гэрээр эмчлүүлж буй иргэдэд хүрч үйлчлэхэд ихээхэн тус нэмэр болж байгаа талаар ӨЭМТ-ийн төлөөллүүд хэлж байлаа.
Цаашид дүүргийн зүгээс ӨЭМТ-үүдийн ажиллах орчин нөхцөлийг сайжруулах тал дээр анхаарч хэд хэдэн арга хэмжээ авч хэмжээг авч хэрэгжүүлэхээр болж байна.
Харин Эрүүл мэндийн төвөөс халдварын голомтод ажиллаж буй эмч ажилчдаа анхаарч, цалин урамшууллыг 40 хүртэл хувиар нэмэгдүүлэх талаар Эрүүл мэндийн төвийн удирдлагууд хэлж байсан юм.
Leave a comment